كيف تستخدم لغة الإشارة
في التواصل مع طفلك

الطفل يفهم ويستوعب فوق ما نتصور، لكن العائق اللي يمنعه من التعبير عن نفسه واللي يدور في باله هو عدم تمكنه من اللغة، لغة الإشارة للأطفال ممكن تكون الجسر اللي من خلاله يقدر طفلك يتواصل معاك، قبل لا يتعلم مهارات الكلام من عمر ال٦ شهور تقريبا، هل تعليم لغة الإشارة للأطفال شي صعب؟ كلش مو صعب! البيبيات أساسا قاعد يستخدمونها بدون لا نتعمد نعلمهم، اليهال يستخدمون إيدهم للإشارة علطول، مثل لما الياهل يأشر لنا مع السلامة، أو لما يعطيك لمة قوووية أو بوسة بالهوا عشان يفهمك إنه يحبك، أو مثلا يمثل إنه يحرك السكان جنه يقول كلمة ”سيارة“، في هذي الدورة نبي نتعلم شلون نزيد حصيلة الطفل في الإشارات اللي ممكن تسهل حياته وحياتنا وتقربنا من بعض، وراح نعرف خطوة خطوة متى نبدي نعلم الطفل، وشلون، وشنو المراحل اللي يمر فيها خلال مرحلة التعليم، راح نعرف بعد العلم والدراسات اللي توضح لنا تأثير لغة الإشارة الإيجابي على تطور مهارات النطق عند الطفل، وراح نرجع سنين لورا ونعرف تاريخ لغة الإشارة للآطفال شلون بدى وشلون طرا على بال المختصين يعلمونها للأطفال. التجربة جدا مشوقة وممتعة لكم قبل الأطفال، إذا الموضوع همكم فبتكون الدورة جدا مفيدة لكم إذا كنتوا بانتظار طفل جديد يايكم بالطريج أو مخططين لحمل بالمستقبل، أو عندكم في هذي اللحظة رضيع وودكم تتعلمون أكثر شلون تتواصلون معاه، أو تديرون حضانة آو نادي للأطفال الصغار وحابين تمارسون معاهم لغة الإشارة للأطفال مثل كثير من الحضانات في الدول المتقدمة.