top of page
ماذا قالوا عن الدورة؟
"كيف تستخدم لغة الإشارة في التواصل مع طفلك؟"
بنتي تعتبر حالة خاصة لكن صدمتني وصدمت الدكتور إنها قامت تؤشر وقل صداخها اللي كانت تتواصل فيه، كانت تصرخ مسكينة إذا تبي شي، ماتتصورين فرحتي إني قمت أفهم بنتي. شكراً من القلب.
بنتي كانت تصرخ إذا تبي شي لأنها مو قادرة تعبر وتأخرت بالكلام، وجربت لغة الإشارة مع ولدي الصغير اسم الله عليه الحين عمره سنتين يسوي الإشارات مع الكلمة، يعني طولة لسان صوت وصورة.
حبيت محتوى الدورة خصوصاً إن البداية أهم مرحلة تواصلية مع الطفل والإشارة بتلعب دور كبير في نموه.
صح إني ما علمته إشارات وايد، لكن الأشياء اللي علمته إياها جد تفرق عن اللي ما يعرفها في الصياح والأفلام اللي يسويها عشان أعرف شو يبا.
حبيتها وايد وطبقتها على بنتي وفعلاً حسيت بالفرق وأحسها مستانسة عالحركات وخصوصاً حركة الحليب، تضحك لما تسويها وتدري إني بعطيها وتعطيني النظرة إن يالله أبا حليب، صايرة تحفة.
حابة أشكرج واااايد على الدورة الحلوة، جد لغة الإشارة شي ممتع لنا وللطفل بعد.
حسيت ان بنتي قل صياحها أقل من أخوها، وإنها تقدر تعبر عن اللي تبيه فصارت ماتصيح مقارنة فيه، تبارك الرحمن حتى كلامها أسرع منه، يعني بعمر ٩-١٠ شهور كنت أتفاهم معاها بالإشارات والكلمات اللي تعرف تنطقهم ولما قلت للدكتور في موعد الفحص انصدم ماصدقني.
المحتوى العربي الوحيد بهذا الموضوع، الآن بنتي عمرها سنة ونص، ماقدر أوصف السعادة اللي تحتويها وتحتوينا، نوبات بكاء أقل بوااااجد خصوصاً في الليل، كلامها وتعبيرها بطلاقة وبالعكس الكلام واجد، ويكفي إنها لغتنا السرية اللي نفهم فيها على بعضنا بكل حب.
كنت متخوفة إنها تكبر وتكون فقط تؤشر ما تتكلم. لا بالعكس تماماً. حسيت لغة الإشارة كثز الأطفال الرضع، السعيد اللي يتعلمه ويكتشفه، سبحان الله كلامها أسرع وأوضح من اللي بعمرها تعبر بالإشارة وتتكلم بنفس الوقت بكل أريحية وحب.
طبقت معاه كلمات بسيطة وماااا تتخيلين حجم الفرحة أول مابدا يسويها شعور روووعة، وقت ما يبغى يرضع علطول أعرف والاهل استانسوا عليه لما فهموا معنى الحركات، بس كانوا متخوفين على النطق، لكن ماشاء الله تكلم بدري قبل السنة والحين عمره سنتين و٣شهور وسواااالف.
بنتي الحين عمرها سنة وشهر وتعرف أكثر من كلمة ووايد وايد وايد مستفيدة الحمدلله من تأشرلي أدري شنو تبي بدون حنة.
ولدي صار يفهم على أخته ويجي يقول لي ماما أختي تبي ماء أو حليب، حتى لما أتركهم عند ماما لمشوار بسيط حبيبي يفهم عليها علطول، بكاء أقل لأن في لغة تفاهم بين الطفل والأم، وأبداً ما أثر على كلامها.
كانت متتتتعة مع بنتي، بدت تأشر وكأنها تسولف وتفتح مواضيع من عمر ٩ شهور مع إني بديت بعمر ٧ شهور، الحين عمرها سنة و٦ شهور وتتكلم ماشاءالله وتسولف يعني أبدا ما أخرت النطق بالعكس حسيتها تحمست للكلام والتعبير أكثر والتواصل ويانا.
جد جد لغة الإشارة شي رهيييب ياريت كل الأمهات يطبقونها مع عيالهم بيحسون بمتعة عجيبة كيف طفل صغير يسولف ويطلب ويذكرج بأشيا. حتى زوجي واااايد استانس وقال بنعلم كل عيالنا.
في البداية أم زوجي كانت تعلق عالحركات بس الحين مستانسة على بنتي وإنها تفهم لها، تعالي ترا البنت يوعانة ولا ترا تبا حليب ولا تييبها لي تقول فيها رقاد لأنها تسوي الحركة. والله الشي يونس وأحسها تسولف معانا بهالطريقة. حتى لما نطلع للمول تطالعنا وتسويلنا الحركة تذكرنا بموعد وجبتها.
bottom of page