top of page
ماذا قالوا عن...
لعبة حروفي
مليوووون شكر على اللعبة الجميلة، واضح جهدكم فيها، ولدي يقول ماما هذي الرسمات اللي عليها مرررة حلوة عجبتني. فعلاً أبدعتوا من أكبر تفصيلة لأصغرها.
أمس لعبنا مع ولدي ٤ سنوات وزوجي، وكانت أول مرة نلعب مع بعض كعايلة وايد حلوة اللعبة وايد استانسنا صج ماقصرتوا.
ماشالله تبارك الرحمن ربي يوفقكم وايد حبيت الفكرة والجهد. وايد بيستانسون عليها عيالي.
ماتتخيلي قد ايش فرحت فيها وغير إنها مميزة لأطفالنا وتعلمهم اللغة العربية لا-ظت إنها ممكن تخدم ذوي الاحتياجات الخاصة خصوصاً التوحد نظراً لأني أخصائية توحد مثلاً في مجال التآزر الحركي البصري والمجال الحركي الدقيق وغيره.
وآنا ألعبها مع ولدي الصغير ٣ سنوات ونص نلعبها ببساطة نسحب الحرف ويقوله وندور الصورة ويحط الفيشة عليها، ومع أخوه الأكبر نلعبها كمتسلسلة. شكرا على هاللعبة.
عيالي وزوجي صاروا يلعبونها مع بعض وأستغل هذا الوقت إذا بسوي شي لنفسي لأن يندمجون حيل ويلعبونها أكثر من مرة بنفس الوقت، وهي اللعبة الوحيدة اللي آنا مستغربة إنهم مايملون منها تقريباً يلعبونها بشكل يومي والحلو إن يقضون مع بعض وقت ممتع جداً.
زدت على طريقة اللعب إن يبت سبورة وقلم وإذا طلع الحرف الطفل يكتبه قبل لايبحث عن الصورة. إن شاء الله بتساعدني اللعبة إن بنتي تحفظ الحرف شكلاً وكتابةً قبل المدارس. عمرها ٣ سنوات. وتكون مثل المراجعة لأختها الأكبر.
أحلى وأسرع وأفيد هدية للحين شارية ثلاث مرات. يعطيكم العافية.
اللعبة ممتعة وبنفس الوقت مفيدة، وتصلح لوقت الإجازة حتى يراجع الطفل الحروف ولا ينساها، ونقلل الوقت اللي يقضونه على الشاشات.
الصراحة هاللعبة عجيبة. ولدي عانيت معاه تقريباً قريب السنة يخربط ومايعرف الأحرف العربية انصدمت بعد مالعبنا كذا مرة حفظ الحروف بسهولة وبسرعة كلهم. شي صج ماتوقعته. بالنسبة لي هذي مو مجرد لعبة، هذي وسيلة تعليمية وممتعة جداً وبدون مايحس الطفل قاعد يتعلم شي فعلاً جبار.
تينن وعجيبة. كل التفاصيل حلوة، حتى نوع الخط المستخدم، تعليمية وايد بنتي ماتعرف كل الحروف فكانت حصة عربي ممتعة، والكبيرة عندها حصيلة مفردات كثيرة فلما لعبنا وتعلمت كلمات جديدة شاخت علينا تبي تلعب مرة ثانية تقول صرت أعرفهم.
يلعبونها ١٠ مرات باليوم 😂
ولدي فرحان باللعبة. لون جميل وهاي كواليتي وممتعة.
اللعبة رائعة ومثرية وتفيد الطفل كثيييير، يقضي فيها وقت ممتع وبنفس الوقت الصغار اللي لسه مايعرفوا الحروف يتعلموها بدون أي ضغط، وفي طريقة ثانية للعب تناسب المتقنين للقراءة. لعبة عجييييبة.
مررررة جميلة اللعبة، ولدي عمره ٤ سنوات حفظ كل الصور ختمناها ماشاءالله.
لعبة اسألني وتعرف علي
عجبتهم اللعبة وايد حلوة وتلم العايلة.
لعبة جميلة، أمس طلبتها واليوم وصلت استانسنا فيها بالزوارة وسويت لها تسويق 😍.
ماشاء الله عليكم، شهالكشخة في هاللعبة، تهبل. القماش ودج تحضنينه من الجمال والإخراج. الله يعطيكم ألف عافية في مجهودكم ووقتكم.
عجيييييبة فكرتها. 😍
بناتي مو راضين يتغدون مجابلين اللعبة. عجييييبة ❤️❤️❤️
بنتي تجي من المدرسة مباشرةً للعبة 💘
bottom of page